Sumqayıt Kimya Sənaye Parkı Peşə Təhsil məktəbi

Azərbaycan Respublikası Nazirlər Kabinetinin 2013-cü il 19 aprel tarixli 68 nömrəli Qərarı ilə “Sumqayıt Kimya Sənaye Parkı” Məhdud Məsuliyyətli Cəmiyyətin nəzdində sənaye ixtisasları üzrə ixtisaslı kadrların hazırlanmasını təmin edən müasir tipli Peşə Tədris Mərkəzi yaradılmışdır. Nazirlər Kabinetinin 2020-ci il 18 iyul tarixli 257 nömrəli Qərarı ilə Mərkəzin adındakı “Tədris” sözü “Təhsil” sözü ilə əvəz edilmişdir. Azərbaycan Respublikasının təhsil nazirinin 2020-ci il 29 iyul tarixli F-351 nömrəli əmri ilə Peşə Təhsil Mərkəzinin Nizamnaməsi təsdiq edilmişdir. Mərkəz 2020-ci il 30 iyul tarixində Azərbaycan Respublikasının İqtisadiyyat Nazirliyi yanında Dövlət Vergi Xidməti tərəfindən dövlət qeydiyyatına alınaraq hüquqi şəxs statusu əldə edilmişdir. Hazırda mərkəzdə 12 ixtisas üzrə peşə ixtisasları tədris olunur.